SAFE სოკარის ავტოგაზგასამართ სადგურზე გორში
4 ივნისს სასტუმრო „შერატონ მეტეხი პალასში“ ტრანსკავკასიურ სადისტრიბუციო კომპანიასა და იტალიურ კომპანია SAFE – ს შორის ხელშეკრულების გაფორმების საზეიმო ცერემონიალი გაიმართა, რომლითაც ტრანსკავკასიურ სადისტრიბუციო კომპანიას მიენიჭა SAFE – ს ოფიციალური დისტრიბუტორის სტატუსი საქართველოში, სომხეთსა და აზერბაიჯანში.
იტალიური კომპანია SAFE 1975 წლიდან შეიმუშავებს და ავითარებს ინოვაციურ პროდუქტებს გაზ- გასამართი სადგურებისთვის, 1980 წლიდან კი გახლავთ მსოფლიო ლიდერი ბუნებრივი აირის კომპრესორების წარმოებაში. ყოველწლიურად კომპანია აწარმოებს და ახდენს ბუნებრივი აირის 550 – ზე მეტი კომპრესორის მიწოდებას მთელი მსოფლიოს მასშტაბით. SAFE ფლობს EN ISO 9001:2008 სტანდარტის სერთიფიკატს.
კომპანიებს შორის ხელშეკრულების გაფორმების ცერემონიალთან ერთად გაიმართა უშუალოდ ბრენდის პრეზენტაციაც, რომელიც SAFE – ს ტოპ-მენეჯმენტმა წარადგინა. პრეზენტაციის დაესწრნენ საქართველოს ბაზარზე არსებული გაზ-გასამართი სადგურების ოპერატორი კომპანიების წარმომადგენლები, რომლებმაც ინფორმაცია მიიღეს SAFE – ს პროდუქტებზე და მათ უპირატესობებზე.
აღნიშნული ხელშეკრულება ტრანსკავკასიურ სადისტრიბუციო კომპანიას საშუალებას აძლევს საქართველოში არსებული გაზ-გასამართი სადგურების ოპერატორ კომპანიებს შესთავაზოს უმაღლესი ხარისხის პროდუქცია, სათადარიგო ნაწილები, საგარანტიო და გარანტიის შემდგომი მომსახურება.
Related posts
